Dimasa Thairili

  Art by Lakheswer Bodo Dimasa Thairili (Poem) Ahjangrao Writer :  Bidunath Nunisa Hadam Guphu Haba Songyarao Maimu Gisim Yaodi Layarao Dinini Sainraolini Bublikhe Khairekhlai. Makhuride Nini Khlaihi Sainkhebo Mithiya Jaladu Phakhuride Nini Khlaihi Hor Thangba Mithiya, Lailangladu Makhuride Nine Maisonso Songridu, Phakhuride Nine Dangbudi Dangridu. Horsini Hor’raoli Horha, Thuhining Mudiri Laikhade Hadam Guphu Thai Maiyanang Sainsini Sainraoli Basainha. Khamhining Shilinghi Laikhade, Maimu Gisim Maimu Maiyanang. Khajama Khe Khramthongha Kheprehi, Dinini Sainraoli Bublikhe Khairekhlai. Hadam Guphuha Thai Maikhade Raja Jangbo Songhari Mainangne. Maimu Gisim, Maimu Maikhade Raji Jangbo Khamhari Mainangne. Read More Related Dimasa Poems Amai Lugu Ningde Khasaosisi Se Masainjik Hamjaoma Khasaoma Oh Madai Ani Saomin Ang Khe Phorong Majang Ningkhe Balaohi Dara Disha Mayani Abhai ...

  This is our tiny village , Komorakata Dimasa Thairili (Poem) Jini Nolai Writer :  Bidunath Nunisa Nailalong disaha Nabelangsa nalendresa Daokhudu daokhlaidu, Nohlaini malasarao Khaikhudu khaikhlaidu. Nohlai bejing bejing Mihsaisa hongdu, MihsaisAhnih khurangthaikhe khnahining Banjik rao nih rijing sao dukhu blaodu. Nohlai gejerni phraphangha, Daorili daosandi thai jipaidu. Daorili daosandikhe naihining Magthijik rao khajama mailadu. Sain berekhahning Nohlai rogongni groho hadingha Hulaosa slikdu, dao rijing rajapdu Khabaisisi khalaihi. Jini nohlaiha Musu-Musu baar sepdu Disiri Disiri Dih sordu  Nakhasaoni dainbo nuhi hasru minidu. Hading hadi-haowar Sam gakrang lili japaidu Dao mih khajapaidu, Damasa phli-phli dibuha  birdingdu Nohlai yakhlahnih bonjulongha, Daoblipsa Baidu majangdini khurangthailai Daomikha naijuha Siri Siri gradu Ahnih khakhe gibir khlaidu. Bonju mander gajaolili bardu Ahnih khakhe alang-alang nohlaiha longhadu. Read More Related Dim...

  Dimasa Thairili (Poem) Habsao Writer :  Maidesh Thaosen Phirthi Deh Warbi Naiba Nusoya Habsaoni Bublide Lauya, Baohi Naihakhade Naisohaphudu Phirthi Hah Gaphaibahnih. Haganthi Galangmahnih Naila Daoganthi Mathaumahnih Naila. Hadingma Gasoya Sahnih Sain Jorokhade, Habsao Khe Naiphinhi Thimi-Thimi Nuhi Haba Songba Lenbangba Baophin Nang, Khaha Kha Gili Nang, Muha Mudi Dislong Sunang! Badera Thihi Thaola Nang Habsao Khe Kha Thaolang Nang. Odebahnih Khrib Slingkhusaiyarao, Wagra Gongrik Waslo Diru Seh. Sain Joroya Sahnih Hadingma Gasomahnih Naila Dikhongma Lusomahnih Naila. Hadingma Gasone Baokhade, Sainyung Raoba Basain Khe Boh Phlaima Nangma. Baryung Phaiba Bohor Khe Boh Phlaima Nangma Hoha Hukhrihaba Basain Khe Boh Khalaolama Nangma. Hadingma Guju Khe Gaba Hah, Yaoda-Yaosi Thiyarao Ni Graokhe,,, Hamba-Hamya Khnahi Saikhula. Yaophakhor Hah Gablai Bakhe Dajon, Yaophakhongja Thikhabo Bu Jangning Haba Songla. Purha Donghi Sining Haba Songma Grao Niya, Jarni Thongaphang Phrang Boh...

Dimasa Thairili (Poem) Ahbai Ahmai Writer: Anup Daulaguphu Buma Bupha khe Khelimla Nalaibo dongduse habsaoha, Buma Bupha khe haigerhi  Giri Musibo habsaoha. Sere ridu Buma Bupha khe Dukhu habsaoha, Dongbah ning haglaise Bu subung habsaoha. Read More Related Dimasa Poems Amai Lugu Ningde Khasaosisi Se Masainjik Hamjaoma Khasaoma Oh Madai Ani Saomin Ang Khe Phorong Majang Ningkhe Balaohi Dara Disha Mayani Abhai Ani Kha Ajang Buthulai Lugu Gibi Mahoni Grao Sainbili Ni Bubli Ajangrao Jini Nolai Habsao Abah Amai Aadai Ni Bakhatho Lama Gajain Busu Basain Baosmailai Thimi Thimi Brai Shivrai Sainbili Nini Hadam Ni Maimu Ani Mudi We Are Dimasa Dukhu Sain Gajaodi Khim Bubli Di Phaidu Neh Phoorikho Ani...