Aajang| Dimasa poem| Kharingyasa - Sourav Thousen

 

Dishrudi Haflongbar

Art by Lakheswer Bodo

Dimasa Thairili 

Aajang

Writer: Sourav Thousen

Heh... Aajang!  Hamhining Dongthi?

Nini Phantha Rebma Baigokha Ang Dini

Habsaoha Masi Thairili.

Kharingyasa Jamani Kha Girimu Anih

Nini Phantha Kha Gablai Dongyaba

Ani Hamjaomani Mayakhe Phunuhe

Ehboh Anih Khani Masi Mijingma.

Hajengkhongkhe Maibani Dukhu Ang Nangya

Samaibamu Ang, Anih Gibi Hamjaomakhe 

Nini Saorimni Gajao Khani Gejerha,

Samaibamu Ang Nini Mayakhe

Anih Habsaokhe Majangsisi Khalaima Thihi.

Disem (Ocean)  nih Dihur(wave) khe Nubajang

Dakhin Ning Dithon(Tsunami) Phaima Baohi

Nokhasaoni Hadi Gisim Nubajang

Dakhin Ning Sarabthai Gaoma Thihi

Ahnih Biringyayaba Saogarikhe Nuhi

Dathang Ning Gajainha Degaohi.

Janang Niya Angning Samaiyaba

Nini Saomin nih Lugulai

Niyakhabo Hamjaodu Ang Ningkhe Gibijang.

Dangma Baodumu Angboh

Nini Phantha “Noh’Majang”

“Ganangrao” lai Rang-Rih Dongyaba Basa Ang Niya,

Nini phantha Dongyaba Anih Mayakhe phunune

Kha Ang Phurihi phunuhinangmu

Bar nih Basa Hanuman boh Ang Niya.

Niyakhabo Nini-ahnih Hamjaomani Mayakhe Phunune

Rebdada Dengnang Baodu Ang

Ehboh Habsaoni Bugurha.

Gibijangning Majangbi Ning

Muh-Kha Nini Majangba

Noh’khablingni Dain lai,

Saogari Nini Phaimibarlai

Phaimathi Ning

Hamjaomani Mayakhe Labuhi

Anih Saomin nih Noh’sa Majangha?

Read More Related Dimasa Poems

Amai	Lugu	Ningde Khasaosisi Se	Masainjik	Hamjaoma Khasaoma	Oh Madai
Ani Saomin	Ang Khe	Phorong Majang	Ningkhe Balaohi	Dara Disha	Mayani Abhai
Ani Kha	Ajang	Buthulai	Lugu Gibi	Mahoni Grao	Sainbili Ni Bubli
Ajangrao	Jini Nolai	Habsao	Abah Amai	Aadai Ni Bakhatho	Lama Gajain
Busu Basain	Baosmailai	Thimi Thimi	Brai Shivrai	Sainbili	Nini Hadam Ni Maimu
Ani Mudi	We Are Dimasa	Dukhu	Sain	Gajaodi	Khim
Bubli	Di Phaidu Neh	Phoorikho	Ani Hamjaoma	Hadailainang Jing	Ang Jehniyung Jalangma