Habsao | Dimasa Thairili (Poem) | Written by Maidesh Thaosen

 

Dimasa Thairili (Poem)

Habsao

Writer: Maidesh Thaosen

Phirthi Deh Warbi Naiba Nusoya

Habsaoni Bublide Lauya,

Baohi Naihakhade Naisohaphudu

Phirthi Hah Gaphaibahnih.

Haganthi Galangmahnih Naila

Daoganthi Mathaumahnih Naila.

Hadingma Gasoya Sahnih Sain Jorokhade,

Habsao Khe Naiphinhi Thimi-Thimi Nuhi

Haba Songba Lenbangba Baophin Nang,

Khaha Kha Gili Nang, Muha Mudi Dislong Sunang!

Badera Thihi Thaola Nang

Habsao Khe Kha Thaolang Nang.

Odebahnih Khrib Slingkhusaiyarao,

Wagra Gongrik Waslo Diru Seh.

Sain Joroya Sahnih Hadingma Gasomahnih Naila

Dikhongma Lusomahnih Naila.

Hadingma Gasone Baokhade,

Sainyung Raoba Basain Khe Boh Phlaima Nangma.

Baryung Phaiba Bohor Khe Boh Phlaima Nangma

Hoha Hukhrihaba Basain Khe Boh Khalaolama Nangma.

Hadingma Guju Khe Gaba Hah,

Yaoda-Yaosi Thiyarao Ni Graokhe,,,

Hamba-Hamya Khnahi Saikhula.

Yaophakhor Hah Gablai Bakhe Dajon,

Yaophakhongja Thikhabo Bu Jangning Haba Songla.

Purha Donghi Sining Haba Songma Grao Niya,

Jarni Thongaphang Phrang Boh Haba Songla.

Nini Khophal Nini Baishi Jang Baomahase

Ning Baishi Khe Slaihi Baoma Khe Raori,

Khahnihng Nini Khophal Slaidu.

Read More Related Dimasa Poems

Amai	Lugu	Ningde Khasaosisi Se
Masainjik	Hamjaoma Khasaoma	Oh Madai
Ani Saomin	Ang Khe	Phorong Majang
Ningkhe Balaohi	Dara Disha	Mayani Abhai
Ani Kha	Ajang	Buthulai
Lugu Gibi	Mahoni Grao	Sainbili Ni Bubli
Ajangrao	Jini Nolai	Habsao
Abah Amai	Aadai Ni Bakhatho	Lama Gajain
Busu Basain	Baosmailai	Thimi Thimi
Brai Shivrai	Sainbili	Nini Hadam Ni Maimu
Ani Mudi	We Are Dimasa	Dukhu
Sain	Gajaodi	Khim
Bubli	Di Phaidu Neh	Phoorikho
Ani Hamjaoma	Hadailainang Jing	Ang Jehniyung Jalangma