Sibringthai
Writer: Maidesh Thaosen
Habisao
Hajaihi, Dibisao Thoraihi,
Pakhuri
Pahamdao maidada,
Makhuri
Mahamdao Maidada,
Murusalai
Sain nangya Deriba,
Hulaosalai
Hagaya Juriba.
Pakhuri ni
thongaphang mataone naila,
Makhuri ni hagaphang mataone naila.
Pakhuri ni
graoju khe khaha kataola,
Makhuri ni
sibringthai khe khaha khajula.
Horongkho
girini Holasa dajabai.
Godophang
gobangni likh dajabai,
Jar ni
godophang mithiya taojaonang.
Samkhumai
laise thihi,
Hathaima
gejer ba Jarimin jenjaonang.
Simisa
maingsini klaihi,
Rigu baduli
khongkhlaap laap.
Wapladu
dingsini klaihi,
Dimkhong
jare khongkhlaap laap.
Makhamju
giri ni kusi giri jakade,
Lamayungha
kharimin jenjaonang,
Sakhuri-Sikhuri
Mrikh la.
Wagra
Gongrikh, Waslo Dihru.
Songkhu
nang, rishidu gijihi,
Kamklai
nang, yasgu jerkliphi.
Songba ning
taoya wargeju,
Daotu khe
beren jang barimai nang.
Pakhuri ni khaha
kha gilijaonang,
Phantaosa
dilaiba khe nuhi.
Makhuri ni
mu ha mudi glaijaonang,
Morsaisa
julaiba khe nuhi.
Juthai…
