LAILANGYABA MAITHAI
Rebyah:
Prozen Daulaguphu
Rijinggin-khonsi maithai lailangbukha
Wainsomin-wainsothai haigerlang bukha.
Khaha nangjaoyaba khisa thaolangkha,
Sainyahi bo-braiyahi bo mailakha.
Badamma bo haigerhi thanglakha.
Basain gadain-maithai gadain phaibunang,
Angde khinladu, gmangladu, khah maoladu.
Gilim-gasa, bemar-hasar, namu-khurmu
phaibunang.
Maiblaiyaba bo thangladu, girilangladu,
jamlangladu.
Khaha baosing baokhade khahbaisisi,
Khaja-mini basain plaiyaba-adeyrao,
sengphongrao, lugurao jang,
Dini bo wainsohadu, mithihadu, khanajlihadu khong.
Thikhabo thipin phuyakha sainthi phuyakha,
blaolama nangkha.
Elaining lailangyaba maithai haigerlangkha
Ode maithai gadain sophaibukha.
Sereba mailakha, sereba thanglakha
Sereba jonladu, sereba jonjaoladu.
Hamba bo phainang, nangjaoyaba bo mainang.
Khani mormoh ode khaha dukhu dongyaba sikhe,
Lailangyaba maithai jang baosi haiphaha.
Phaiginyaba maithai gadain khe
Khah gede-khah majang, khashring jang
lamjaola.
You may like these posts:
table {
font-family: arial, sans-serif;
border-collapse: collapse;
width: 100%;
}
td, th {
border: 1px solid #dddddd;
text-align: left;
padding: 8px;
}
tr:nth-child(even) {
background-color: #dddddd;
}
Read More Related Dimasa Poems