Dimasa Thairili

Posts

Showing posts with the label Dimasa romantic poem

Busu Basain Ha Ang Saojang Thaolakha - Dimasa poem - Flyingbird Jaan Kemprai

THAIRILI Busu Basain Ha Ang Saojang Thaolakha Writer: Flyingbird Jaan Kemprai Busu Basain Ha Ang Saojang Thaolakha Raji ha Busu dini jilai du Ani Majang lugurao khaja-mini thanglai du Kharam-Muri dam lai du Yao baosi hailai du Ang saojang noha dongla du. Khajama ang ringya du Muthai ha mudi jirim ladu Ning khe ang wainsola du Kharama ning gablah jalang lakha Mojo basa buni thuthani khalai la kha Dam baha krumchang-krumchang bo biringya kha. Nagarao de ho-ho jalai naidu Malarao de khaja-mini yao hailai naidu Ani majngdi bo gurmu lili jahi baila naidu Ang de kharam jigao khe, gabaohi dongla maidu Nadi khalai nang, baophrang phuya kha du Ning baiba khe bo naima mijing ladu mu, Langfaya ning saojang thanglakha Busu basain ha ang saojang thaolakha. Read More Related Dimasa Poems Amai Lugu Ningde Khasaosisi Se Masainjik Hamjaoma Khasaoma Oh Madai Ani Saomin Ang Khe Phorong ...

Dimasa poem - Oh Madai - Written by Ajoy Hasnu

Dimasa Thairili (Poem) Oh Madai! Writer : Ajoy Hasnu ' Oh Madai! Oh Madai! Habsao ha dongdu si, Dibsao ha dongdu si. Khajama boh phaiba lailangba, Dukhuma boh phaiba lailanglaba. Oh Madai! Marchi jahi dongdu si, Marcha jahi dongdu si. Khajahi dongma ni, Minihi dongma ne. Khrosao neh bubra khe bi'haladu! Oh.. Madai! JUTHAI... Read More Related Dimasa Poems Amai Lugu Ningde Khasaosisi Se Masainjik Hamjaoma Khasaoma Oh Madai Ani Saomin Ang Khe Phorong Majang Ningkhe Balaohi Dara Disha Mayani Abhai Ani Kha Ajang Buthulai Lugu Gibi Mahoni Grao Sainbili Ni Bubli Ajangrao Jini Nolai Habsao Abah Amai Aadai Ni Bakhatho Lama Gajain Busu Basain Baosmailai Thimi Thimi Brai Shivrai Sainbili Nini Hadam Ni Maimu Ani Mudi We Are Dimasa Dukhu ...

Ani Saomin| Dimasa poem (thairili)| Written by Sourav Thousen

Dimasa Thairili (Poem) Ani Saomin Writer : Sourav Thousen Shiri- shiri Barsra sipma jekhali, Balai gili boh bagrang jahi bilima okhali. Tip-tip Hadi thai glaima jekhali, Dikhong-dibu habo Di' dema okhali. Buha ang samaima baodu Ani phaiginyaba bublini saomin buthu khe, Dikhong-dibu ni bijing-bijing ha, Rabandi thai Ni gejer-gejer ha, Bongphang bedep boh bosoh gili salaidu. Haju-haflai, hagra-bongra haboh, Daorili-daosendi boh rajabdu khurili rihi. Sa'train-gablai Nokhasao ha, Dangma ang samaidu, Ani phaiginyaba bubli ni Saomin buthu khe. Read More Related Dimasa Poems Amai Lugu Ningde Khasaosisi Se Masainjik Hamjaoma Khasaoma Oh Madai Ani Saomin Ang Khe Phorong Majang Ningkhe Balaohi Dara Disha Mayani Abhai Ani Kha Ajang Buthulai Lugu Gibi Mahoni Grao Sainbili Ni Bubli Ajangrao Jini Nolai Habsao Abah Amai ...

Dongphuya Ang Ning Khe Balaohi| Dimasa Thairili (Poem)| Written by Sourav Thousen

Dimasa Thairili (Poem) Dongphuya Ang Ning Khe Balaohi Writer : Sourav Thousen Dongphuya Ang Ning Khe Balaohi Dathi ning ang khe, balaohi thangla thihi Balaophuya ang ning khe, Hamjaodu ang ning khe... Ning balaohi thang thibajang Balaohi ang thangphuya ning khe. Ning jodi(if) thire degaohi thangla, Degaohi ang phailanang Nini habsaonising. Niyakhabo balaophunang niya ang ningkhe Habsaoha ani hayu dongdusi, Hamjaodu ang gibijang ningkhe. Thisimaiphunang ang ningkhe balaokha thihi, Niyakhabo, kha bising nising balaophuya ningkhe. Ning degaohi thangla angkhe haigerhi Rimthaoya ang ningkhe. Nini khajamaha ning ani khajama, Habsaoha hayu dongdusi Denlanang Nini saogari khe Gajaoni khaha tathihi, Ode ang sainsi thanglanang Ebu majang habsao khe haigerhi Thaphla jahi, haa jang basi japhalanglanang Niyakhabo balaophuya Ang dongphuya Ningkhe haigerhi. Dathisi ning arbo balaohi thangla thihi Habsao ang garhi thangkhabo, Naihi dongma ningkhe nalaibo. Nokhasao ni Dain - satrai jahi Niy...

Ani Khade Smaidu Ning Khe| Dimasa Thairili (Poem)| Written by Sourav Thousen

Dimasa Thairili Ani Khade Smaidu Ning Khe Writer : Sourav Thousen Smaibamu Ang Dongthanih Nini Khanih Gejerha. Mithidu Ang Nini Khade Khasebi, Thikhabo Smaibamu Ang Dongthanih. Naima baobamu Ang Nini Magin Muthai Ha, Ebo Majang Habsao Khe. Naima Baobamu Ang, Nini Muthai Magin Ha Ani Gajaoni Saumin Buthu Khe. Nini Yaoha Remhi Thangma Baubamu Ang Ebo Majang Nokhasau Bakla Khe. Sainthima Baubamu Ang Dikhong Bijing Ha Dongyaba Bongphang Bakla Ha Khamdada, Anih khanih Graokhe Nineh. Thikhabo Thaulakha Dini, Anih Saumin Buthu Saumin Jahi. Khanih Baothai Buthu Jatharkha Khrib Dini Giphin. Gablaika Dini Anih Muthaiha Dukhu ni Mudithai, Bakhalibai Saingsi Khamao Habnang Anih Khanih Graokhe Ning. ! Read More Related Dimasa Poems Amai Lugu Ningde Khasaosisi Se Masainjik Hamjaoma Khasaoma Oh Madai Ani Saomin Ang Khe Phorong Majang Ningkhe Balaohi Dara Disha Mayani Abhai Ani Kha...

Lugu Gibi| Dimasa Thairili (Poem)| Written by Sourav Thousen

Dimasa Thairili (Poem) Lugu Gibi Writer : Sourav Thousen Mainang Ning, Ebo Habsaoha Lugu Badam’ma. Khrib Niya, Nini Gibi Lugu. Maima Ning Khe Hamya Thiyarao, Maima Ning khe Hamya Baoyarao. Busi Niya, Gibi Lugu, Bukhuha Gurudi, Khaha Gathari. Dongma Nini Lugubo Degao Dongla Adung. Mainang Ning, Nunang Ning Gibin Jathaini Lugu, Smaiba Ringla, Nailaba Ringla Adung, Mithinang Ning, Mosol Lugu khe Khaha dongthang darila Adung. Dukhu-Hadiha Ningjang Dongnang, Dahaigerla Lugu Gibi seh Adung. Makham Khabaosi Jirenang Buh Jiyahi, Dadangkhlaila Lugu Gibi seh Adung. Majangthai deh, Mukhang ha Giri, Khaha seh dongba Gibi Lugu nih Ning Balaunang, Ning Degaolanang, Gibi Lugu deh dongma seh Khaha Adung. Read More Related Dimasa Poems Amai Lugu Ningde Khasaosisi Se Masainjik Hamjaoma Khasaoma Oh Madai Ani Saomin Ang Khe Phorong Majang Ningkhe Balaohi Dara Disha Mayani Abhai Ani Kha Ajang ...

Phrik-Phrik Sainbili Ni Bubli Ha| Dimasa Thairili (Poem)| Written by Sourav Thousen

Dimasa Thairili (Poem) Phrik Phrik Sainbili Ni Bubli Writer : Sourav Thousen Phrik Phrik Saingblini Bubliha, Siri Siri Barsra Sibdu. Nini Hamjaumahnih Khurili Labuhi Ahng Saujang Nolai Khoroni. Bongphang Bakhlaha Khamdada, Ningkhe Ahng Wainsodu Khaha Ning Dong Braha? Phaisang Ning Phaisang Ahnih Rogongha- Gajainha Ning Nadini Degaodada Thanglaba Dini, Ahnih Khaha Rijingjang Hamjaumahnih Mayakhe Galanghi, Saujang-Saujang Lai, Jajaodu Ahng Dini Ning Rogongha Gribahnih. Kha Ahnih Juruma Gri Dini, Ning Rogongha Gribahnih. Phaisang Ning, Phaisang.. Ahneh Juruma Riphaisang Ahnih Gisim Khaha Ning Thaophari Masaing-hih Sainglai Jnariphaisang. JUTHAI 🙏 Read More Related Dimasa Poems Amai Lugu Ningde Khasaosisi Se Masainjik Hamjaoma Khasaoma Oh Madai Ani Saomin Ang Khe Phorong Majang Ningkhe Balaohi Dara Disha Mayani Abhai Ani Kha Ajang Buthulai Lugu Gibi ...

Busu Basain Nih Waisoma| Dimasa Thairili (poem)| Written by Maidesh Thaosen

Busu Dima celebrates in Assam, India. Dimasa Thairili (Poem) Busu Basain Nih Waisoma Writer: Maidesh Thaosen Busu Basain Sopaikha Amai! Mudiru Hoklaihi, Hakhliju Nih Bongphang Khlaha Khamhi, Ang Khe Dajonbai. Khasini Kha Thangdumu , Amai! Ning Maya Jang, Judi Dengriyaba Khe Grukhshi Ling Nangmu. Maiju Makham Dengriyaba Khe Kabaosi Lai Jinangmu Amai! TangmAhnih Hajora Ning Maiya. Waingsodumu Angbo, Dini Nih Basaing Ha, Nokhorsi Jang Khamsmai Khamba Khe, Jismai Jiba Khe, Lingsmai Lingba Khe. Ansarao, Jalairao, Ahnih Lugurao Nih Khajama Khe Nuhi, Mudi Darubai Amai! Waingsodumu Angbo Amai! Dini Nih Basaing Hah, Nini Kha Nih Mayama Khe, Ang Ning Jang Gajaing DongbAhnih, Jiya, Lingya, Khajaya, Miniya Dadongbai, Jini Basain Bo Phainang Nokhorsi Jang Khamsmai Kham'mane. Ang ThuruthAhnih Hah Thikabo Nini KhAhnih Mayama Hah N...

Ani Hamjaoma | Dimasa poem(Thairili) | Written by Shyamal Bodosa

Dimasa Thairili (Poem) ANI HAMJAOMA Written by Shyamal Bodosa O Ani Hamjaoma Angla Ning Khe Kha Jang-Muh Jang Hamjaolaba Sain Jang-Horr Jang Ning Khe Ning Waisolaba Saomi Haa Ning Jang-Ang Jang Mailailaba Bubli Laikha- Ning , Ning Khe Ning Waisolaba Ningla Ang Khe Eli Khele Ning Dukhu Haa Dangkhlai Langkha Grao Masi Thima Ni Ning Bubli Ning Maiyakha || Ning Rogungha Giri Ti Khabo, Ning Jang Hamjaolaba Kha Haa Waiso Hi Ning Khe Ning Hamjaoma Rila Haba Sain Jang-Horr Jang Ning Khe Ning Waisolahadu Muh Saomi Haa Ning Jang-Ang Jang Goron Lai Laadu Muh Bubli Laikha Ning, Ning Khe Ning Waisolahadu Muh || Dong Fuya Ang Nini Sara(without) Dong Fuya Ang Ning Jang Gajain Oli Bani Ning, Ning Jang Senglai Laa Rey Muh Ti Khade Ani Khaa Dongba Jiba Ringyaladu Oo Ani Hamjaoma… Ningla Ang Khe Eli Khele Ning Dukhu Haa Galangkha Grao Masi Thima Ni Ning Bubli Ning Maiyakha ||| *About Ani Hamjaoma poem - Wrote his this poem like a s...

Ang Cheeniyoong Jalangma || Dimasa Thairili (Poem) by Shyamal Bodosa

Ang Cheeniyoong Jalangma Dimasa poetry Dimasa Thairili (Poem) ANG CHEENIYOONG JALANGMA Writer: Shyamal Bodosa Bilee ning Dongthaoma | Ang Jehnehyung Jakhala || Gisim-Thapla Nokhsaoha | Ehjang-Ohjang Thangbaima || Asbaha Naikhabo Majangsisi Nokhasao | Buha Bar Baijang-Baijang Lailangbaha Bilee Dongthaoma || Dungyabahnih Phrang Malaikhe | Magainyabaha Labuma || Khajahi-Minihi Donghi | Habsaoha Khajama Labuma || Ohli Banih ning Thiba | Ang Jehneh-yung Jalangma | Read More Related Dimasa Poems Amai Lugu Ningde Khasaosisi Se Masainjik Hamjaoma Khasaoma Oh Madai Ani Saomin Ang Khe Phorong Majang Ningkhe Balaohi Dara Disha Mayani Abhai Ani Kha Ajang Buthulai Lugu Gibi Mahoni Grao Sainbili Ni Bubli Ajangrao Jini Nolai Habsao Abah Amai Aadai Ni Bakhatho ...