Ang Khe Thima Baoyarao Thilathing Thibalai| Dimasa Thairili (Poetry)| Kharingyasa - Sourav Thousen

 

Dimasa Thairili (Poem)

Ang Khe Thima Baoyarao Thilathing Thibalai

Writer: Sourav Thousen

Bedehe duha ani saogari!

Ang uli jangning khajaladu

Bisilai dong ani khopal(fortunate) ha!

Daoyarao daohakha ang khe

Majang khabo - majangya khabo

Ringkhabo - ringyakhabo,

Saogari ani, gisim thikhabo - guphu thikhabo

Baothai khirib khoro nise

Graothai ode khani se!

Thima baoyarao thilathing thibalai,

Naima baoyarao nailathing naibalai

Busi nalaibo sagangha ning phaimase!

Saogari ani gisim ya  guphu jalathing

Thimabaoyaraode thining thilamase

Bunsini khusi oli se !

Naihi thaolanang bunsi.

Phunu ning nini khusi khe

Phunu ning nini yaobalai khe

Thaolanang khirib, naihi Nini yaobalai khe.

Sungyaba sisi boh sungmama thaolanang,

Nuhi Nini khusi khe',

Miyaha hamya sere thiba ningkhe!

Dakhana naikhu phainang buning ningkhe

Baoma buha ning jarkhe,

Phaibuka ang bedehe saganghi.

Thipsi - thipsi gilimdi Jang

Sor'rikha dini, dikhong khe di'!

Bisi sari mudi rukha Muthaiha

Bisi sari Mudri thangya Muthaiha,

Galaihi - gastabjahi, malaijang nanglaihi

Phaibuka bedehe saganghi,

Saogari ani gisim ya guphu jalathing

Ani khusi ning, Ani mithijaoma.

Gakhuphlanghi ning dong ning 'Haju'

Julathing jubalai boh'

Dakhing ning jarkhe, paar khalai ning khirib khe

Buni yahon ha, Khajama boh mainang ning Rijingjang'.

Read More Related Dimasa Poems

Amai	Lugu	Ningde Khasaosisi Se
Masainjik	Hamjaoma Khasaoma	Oh Madai
Ani Saomin	Ang Khe	Phorong Majang
Ningkhe Balaohi	Dara Disha	Mayani Abhai
Ani Kha	Ajang	Buthulai
Lugu Gibi	Mahoni Grao	Sainbili Ni Bubli
Ajangrao	Jini Nolai	Habsao
Abah Amai	Aadai Ni Bakhatho	Lama Gajain
Busu Basain	Baosmailai	Thimi Thimi
Brai Shivrai	Sainbili	Nini Hadam Ni Maimu
Ani Mudi	We Are Dimasa	Dukhu
Sain	Gajaodi	Khim
Bubli	Di Phaidu Neh	Phoorikho
Ani Hamjaoma	Hadailainang Jing	Ang Jehniyung Jalangma